_1749430366.gif)
काठमाडौँ : विश्वव्यापी स्मार्टफोन ब्रान्ड भिभोले आफ्नो नयाँ फ्ल्यागशिप ‘भि६०’ नेपालमा सार्वजनिक गरेको छ ।
काठमाडौँको हायात सेन्ट्रिक होटेलमा आयोजित कार्यक्रममा भि६० प्रस्तुत गरिएको हो । कम्पनीका अनुसार यसमा क्यामेरा इनोभेसन, आकर्षक डिजाइन र शक्तिशाली प्रदर्शन संयोजन गरिएको छ ।
जाइस् प्रविधियुक्त क्यामेरा सेटअपसहित आएको भि६० मा ५० मेगापिक्सेलको सुपर टेलिफोटो, ५० मेगापिक्सेलको मुख्य, ८ मेगापिक्सेलको अल्ट्रा वाइड एङ्गल र ५० मेगापिक्सेलको ग्रुप सेल्फी क्यामेरा समावेश छन् । पाँच फरक फोकल लेन्थ, फोरके भिडियो र एआई औरा लाइट सिस्टमले कम प्रकाशमा समेत उत्कृष्ट नतिजा दिने कम्पनीको दाबी छ ।
डिजाइनतर्फ यसमा क्वाड-कर्भ डिस्प्ले, स्टार ट्रायल मोड्युल र डायमण्ड शिल्ड ग्लास राखिएको छ । फोन धुलो तथा पानी प्रतिरोधी छ र मिस्ट ग्रे तथा बेरी पर्पल रङ्गमा उपलब्ध हुनेछ ।
प्रदर्शनका लागि नयाँ पुस्ताको स्न्यापड्रैगन ७ जेन ४ चिपसेट, १२+१२ जीबी र्याम, ६५०० एमएएच ब्याट्री र ९० वाट फास्ट चार्ज सुविधा दिइएको छ ।
नेपालमा भि६० को प्रि-बुकिङ अगस्ट २९ देखि सेप्टेम्बर २ (भदौ १२-१६) सम्म खुला हुनेछ भने बिक्री सेप्टेम्बर ३ (भदौ १७) बाट सुरु हुने छ । प्रि-बुकिङ गर्नेले उपहारस्वरूप भिभो इयरबड्स पाउनेछन् ।
कम्पनीले मूल्य तर्फ भने १२ जीबी र्याम, २५६ जीबी भर्सनको रु. ७०,९९९ र १२ जीबी र्याम, ५१२ जीबी भर्सनको रु. ७५,९९९ रहेको जनाएको छ । चालिस प्रतिशत डाउन पेमेन्ट र शून्य प्रतिशत ब्याजदरमा किस्ताबन्दीमा समेत यो फोन किन्न सकिने छ भने एक्सचेन्जमार्फत पुरानो मोबाइल साट्दा अतिरिक्त दुई हजार रुपैयाँ बोनस पाउने सुविधा रहेको कम्पनीले जानकारी दिएको छ ।
